噚晚約了一位從blog 裏相識的朋友食飯, 很開心, 因為知道了世榮同阿Paul係新加坡的經過, 多謝你帶給了我一個歡樂的晚上!

晴

咁大個人, 第一次去澳門, 點知出發之前嗰晚發覺相機電差唔到!

首站落新馬路三元食肉丸粥, 正.  跟住大三巴, 再搭的士去東望洋塔, 之後行去松山搭纜車落山, 再返新馬路買杏仁餅等手信.

原本行程係去黑沙灣嗰邊行水壩, 點知搭錯車, 若再轉車時間又唔夠, 所以只在黑沙灣沙灘食小食, 再搭車去氹仔官也街食水蟹粥, 跟住過對面茶餐廳買合桃蛋糕, 合桃蛋糕要16:30先出爐, 我哋照等, 不枉花時間等, 合桃蛋糕真得好吃, 尤其係蛋糕的中心部份.

之後落威尼斯人搭shuttle bus 返港澳碼頭, 由於時間有限, 沒有參觀威尼斯人, 可惜!

無相機, 惟有用手機充當相機, 遲d 先post 相.

星期三心情唔靚, 放自己半日無薪假, 去了銅鑼灣行街, 順便買mp3機, 因為依家用緊嗰部在旅行期間壞了.

之前已在web度揀了一輪, 始終都想買阿Paul買廣告的那部Sony, 去了Time Square CMK, 見到玻璃櫃擺了阿Paul廣告的display board, 立即問店員若買嗰部mp3, 可否將那塊display board送給我, 初時那店員話會幫我Sony 索取, 有嗰時再call 我, 後尾, 另一sales 話換陳柏宇那張上去, 咁我就可以即刻攞到, 開心死了, 這部mp3公價$1898, CMK 有9折, $1708, 仲要有埋display board, yeah!

在Time Square 裏面的佈置

每次旅行, 總會在每個小鎮寄一張postcard 給自己, 今年旅行, 由於時間緊迫, 亦未能遇上郵局, 所以只能在11月14日晚在hostel寄了惟一一張明信片給自己; 回港已過了一星期有多, 仍未收到那張明信片, 以為石沈大海, 終於噚晚收到了, 可惜, 郵戳沒有特別!

這張明信片可能環遊了世界一圈才落入我手呢! ^o^

記得讀TI (講得TI, 証明自己老了)時, 好多時放學後會同同學去蝴蝶邨碌ling, 不過出來工作後, 碌ling次數一隻手都數得哂.

11月一位TI同學send email 通知我哋蝴蝶邨ling 場重開, 之前因為去旅行未能出席, 難得23日再搞, 梗係要出席吓啦.

太耐無打, 梗係差到無人有, 當然之前亦不見得好好多, 但打到連手指皮都甩埋, 真係少見, 只能怪個波既窿位不好呢; 依家碌ling, 有得睇埋波既速度, 我的速度居然比隔鄰的小朋友還要低, 比人叫站長, 我都唔想架, 但唔知點解咁慢……

感謝搞手, 令我們一眾舊同事能重溫昔日歡樂!

陰, 霧

最後一天在華沙, 當然最後衝刺買手信, 早上在hostel食早餐, 有個伯伯和我們閒聊, 他亦以為我們是exchange student (我們真的似嗎?), 他原來來自加拿大, 今次旅遊為期半年, 真羡慕呢! 和伯伯道別後, 開始往市中心出發.

今年第一個見到的聖誕燈飾

影了一張霧裏的文化宮

閒逛商場, 發覺有food court, 裏面我最鍾意的甜品 - apple pie, 買了來試, 好好味, 因為蘋果夠酸, 臨走前終於食到, 很開心呢!

返到香港已是11月16日, 今次旅程多了幾分驚險, 但最終都能化險為夷, 非常感謝沿途幫助的波蘭人, 有機會我會再去!

陰, 霧

旅程的最後一個景點, 今日很冷, 已經著夠衫, 但都不斷打顫呢!

首先梗係要去睇著名的蕭邦像啦.

Kosciol Sw. Krzyza, 教堂的石柱下埋著蕭邦的心臟

跟住, 原來想去蕭邦博物館, 但搵唔到, 惟有落皇者之路, 由於實在太凍, 係大學附近的一間餐廳食咗少少熱嘢.

再落往舊城區拍照, 舊城區不太, 兼且我個friend 對睇風景無乜興趣, 所以很快就睇完.

晚餐在舊城一間餐廳食, 我覺得是全個旅程最好味的一餐.

餐廳有website 架: http://www.podwale25.pl/

有酸菜及酸瓜附送, 免費

Tyskie beer

Roasted duck served with apple and red beet

Pork Knuckle Hungarian style served with barley

埋單時, waitor 送來了2杯酒, 好濃的藥水味, 當然無飲到啦!

晴

另一個期待之日, 因為今日會去薑餅博物館, 有得自己整薑餅呀, 仲要唔係好貴, 每人只需比大約港幣30就可以了!

除了薑餅, 依個鎮另一出名既地方, 就係天文學家 Kopernika 的出生地, 所以就算是平日, 都有不少遊人.

想影 Kopernika 既雕像, 有個波蘭靚仔點都唔肯走開, 直到影埋佢為止, 既然咁鍾意上鏡, 咁擺埋上嚟任人觀賞啦!

遊完後, 進軍薑餅博物館, 可惜, 由於我哋得2個人, 而負責人話要5個人才可以整, 搞到我哋只可以睇望門輕嘆!

嗰晚我個friend先諗到我們應該付5人價錢, 咁就唔使失望而回, 可惜太遲了!

PS: 今日家強生日, 點知唔記得, 係依度補祝家強生日快上!

陰

今日搭火車落華沙, 差不多到旅程的尾聲了.

波蘭火車就好似Harry Porter裏面的火車, 一個車廂坐6人, 由於我和朋友的2個大行李篋佔了不少空間, 於是我們合力將我的那一個抬上車頂的行李架, 隔了2站後, 有一個男仔坐到我們的車廂; 到達華沙前, 那位男生很好人, 主動幫我們取下架上的行李篋, 非常感謝他呢!

在 hostel settle down哂, 雖然是下午4點幾, 但於當地就等於傍晚, 趁天未全黑, 幫文化宮影番張相先!

搵餐廳期間, 發覺一間找換店貼了1Eur = 3.8X Pln, 相當吸引, 入去換50Eur, 發覺1 Eur 只等於3.0Pln, 個rate 比機場還低, 心有不甘, 同店員理論, 可惜店員只識講數字既英文, 其他會都是波蘭語, 剛好, 有一位女子進入, 佢主動幫我們同店員理論, 原來個店員話由於我哋換少過4000Eur, 所以個rate 就係3.0, 好彩能夠refund, 否則白白被騙了, 在此, 亦要感謝那位主動幫我們的女仔!

晚餐求其在一間餐廳用膳, 依餐是我們整個旅程最貴的一餐, 差不多等於hkd$250, 但份量郤最少.

依餐最特別既係試到Grill tuna salad, not bad.

在歐洲, 我最鍾意食apple pie, 但這間餐廳的apple pie不夠酸, 唔啱我胃口!

晴, 霧

Malbork
純粹睇吓城堡, 不過要付費入內, 而我和朋友都唔係幾識欣賞, 所以只在外圍影相算了.

Sopot
另一個期待的遊點, 網友提到這裏可以看到一望無際的波羅的海. 到達後, 發覺人山人海, 原來忘記了今天是獨立日, 波蘭的公眾假期, 所以這裏充滿人潮.

雖然有太陽, 但太大風, 只感到寒風刺骨, 沒有停留太耐就往窩夫檔排隊去, 因為那檔人龍非常長, 應該係最好味的一檔; 排了將近30分鐘, 終於輪到我們, 我要了cherry 窩夫, 走cream, 大約hkd $13, 好味兼有好多cherry, 香港我諗都買唔到.

想早d返回住處, 可惜沒有火車直至16:30, 惟有坐在車站內等, 因為出面實在太冷了. 火車遲來, 搞到不知到達時間, 問同一車廂的女孩子, 她好nice, 仲開始傾談起來, 佢以為我哋係exchange student (哈, 多謝, 我都想有咁後生呀), 佢原來上年去了挪威做exchange student, 又其怪我們為何選擇以波蘭作為旅遊地點; 落車後, 各有各散了.

由於個friend 要上網, 所以搵咗間有wifi 既餐廳, 今次這間餐廳的waitress 好好人, 首先奉上麵包, 在其他歐洲國家, 這籃麵包是要收錢的, 後來埋單, 先發覺是免費的, 完全覺得抵食!